(٢٩٧٦٨) حضرت ابو الزبیر فرماتے ہیں کہ حضرت صفوان بن عبداللہ بن صفوان جن کے نکاح میں حضرت درداء ہیں وہ اپنی بیوی کے پاس تشریف لائے تو حضرت ام الدردا کو ان کے پاس پایا اور حضرت ابو الدردائ وہاں نہیں تھے۔ پس حضرت ام الدردائ ان سے فرمانے لگیں : کیا آپ کا اس سال حج کرنے کا ارادہ ہے ؟ صفوان نے کہا : جی ہاں، حضرت ام الدردائ نے کہا : ہمارے حق میں بھی خیر کی دعا کرنا، نبی کریم (صلی اللہ علیہ وآلہ وسلم) فرماتے تھے : بیشک آدمی کی دعا اپنے بھائی کے لیے اس کی غیر موجودگی میں قبول کی جاتی ہے اس دعا کرنے والے کے سر کے قریب ایک فرشتہ ہوتا ہے جو اس کی دعا پر آمین کہتا ہے، جب بھی وہ اپنے بھائی کے حق میں خیر کی دعا کرتا ہے، فرشتہ کہتا ہے : آمین، اور تجھے بھی یہی چیز عطا ہو، پھر صفوان بن عبداللہ کہتے ہیں کہ میں بازار کی طرف گیا تو میری ملاقات حضرت ابو الدردائ سے ہوگئی، پس انھوں نے بھی نبی کریم (صلی اللہ علیہ وآلہ وسلم) کے حوالے سے مجھے یہ حدیث بیان کی۔