(٣٠١٨٧) حضرت حمید فرماتے ہیں کہ حضرت انس سے پوچھا گیا : کیا رسول اللہ (صلی اللہ علیہ وآلہ وسلم) دعا کرتے ہوئے اپنے دونوں ہاتھوں کو اٹھاتے تھے ؟ آپ نے ارشاد فرمایا : جی ہاں ! جمعہ کے دن لوگوں نے آپ (صلی اللہ علیہ وآلہ وسلم) سے شکایت کی ۔ پس کہنے لگے : اے اللہ کے رسول (صلی اللہ علیہ وآلہ وسلم) ! بارش نہیں ہو رہی زمین خشک ہوگئی، اور مال مویشی ہلاک ہوگئے ! حضرت انس فرماتے ہیں ! پس آپ (صلی اللہ علیہ وآلہ وسلم) نے دعا کے لیے اپنے دونوں ہاتھ اتنے بلند کیے حتیٰ کہ میں نے آپ (صلی اللہ علیہ وآلہ وسلم) کی بغلوں کی سفیدی کو دیکھ لیا۔ اور آسمان میں کوئی بادل کا ٹکڑا نہیں تھا۔ پس ہم نے نماز پڑھی تھی یہاں تک کہ ایک طاقت ور جوان جس کا گھر قریب ہی تھا اور وہ اپنے گھر کی طرف لوٹنے کا ارادہ کررہا تھا حضرت انس فرماتے ہیں پس ایک ہفتہ مسلسل ہم پر بارش ہوتی رہی ہے۔ حضرت انس فرماتے ہیں : لوگوں نے عرض کیا : اے اللہ کے رسول (صلی اللہ علیہ وآلہ وسلم) ! گھر گرگئے اور سوار رک گئے ! حضرت انس فرماتے ہیں : نبی کریم (صلی اللہ علیہ وآلہ وسلم) ابن آدم کے اتنی جلدی تنگ آنے سے مسکرائے پھر یوں دعا فرمائی : اے اللہ ! ہمارے ارد گرد نازل فرما، اور ہم پر مت نازل کر ، انس فرماتے ہیں : پس آسمان صاف ہوگیا۔