(٣٠٣٥٠) حضرت عبد الملک بن میسرہ فرماتے ہیں کہ حضرت عبداللہ بن مسعود اور حضرت عبداللہ بن عمرو اکٹھے ہوئے تو حضرت عبداللہ بن مسعود نے ارشاد فرمایا : میں ان کلمات کو پڑھتا ہوں جب بھی کبھی نکلتا ہوں یہاں تک کہ اپنی منزل پر پہنچ جاؤں۔ اللہ تمام عیوب سے پاک ہے اور سب تعریفیں اللہ کے لیے ہیں، اور اللہ کے سوا کوئی معبود نہیں،۔ اور اللہ سب سے بڑا ہے۔ میرے نزدیک یہ کلمات زیادہ پسندیدہ ہیں اللہ کے راستہ میں جہاد کے لیے ان کی تعداد کے بقدر گھوڑوں اور سوار ہونے سے اور حضرت عبداللہ بن عمرو نے ارشاد فرمایا : میرے نزدیک ان کلمات کا پڑھنا اللہ کے راستہ میں ان کی تعداد کے بقدر دینار خرچ کرنے سے زیادہ پسندیدہ ہے۔