(٣١٨٤٣) فضیل حضرت ابراہیم سے نقل کرتے ہیں کہ انھوں نے اس عورت کے بارے میں فرمایا جو عورت اپنی ماں شریک بہن اور اپنی ماں کو چھوڑ جائے اور اس کا کوئی عصبہ نہ ہو اس کی ماں شریک بہن کے لیے چھٹا حصّہ ہے اور اس کی ماں کے لیے پانچ حصّے ہیں، یہ حضرت عبداللہ (رض) کا فیصلہ ہے، اور اس بارے میں حضرت زید (رض) نے یہ ارشاد فرمایا کہ اس کی ماں شریک بہن کے لیے مال کا چھٹا حصّہ ہے، اور اس کی ماں کے لیے ایک تہائی مال ہے، اور باقی مال بیت المال میں رکھا جائے گا۔
اور اس مسئلے میں حضرت علی (رض) نے یہ فیصلہ فرمایا کہ ان دونوں کو مال ان کے وراثت میں حصّے کے مطابق ہے، اس طرح انھوں نے ماں شریک بہن کے لیے ایک تہائی مال اور ماں کے لیے دو تہائی مال کا فیصلہ فرمایا۔
حضرت ابوبکر فرماتے ہیں کہ یہ مسئلہ حضرت علی (رض) کے قول کے مطابق تین حصّوں سے اور حضرت عبداللہ (رض) کی رائے میں چھ حصّوں سے نکلے گا۔