(٣١٨٦٥) حسن (رض) فرماتے ہیں کہ حضرت عمر (رض) نے پوچھا : کون جانتا ہے کہ دادا کے بارے میں نبی کریم (صلی اللہ علیہ وآلہ وسلم) نے کیا ارشاد فرمایا ؟ حضرت معقل بن یسار (رض) نے عرض کی کہ ہمارے بارے میں رسول اللہ (صلی اللہ علیہ وآلہ وسلم) نے یہ فیصلہ فرمایا تھا، آپ نے پوچھا، کیا فیصلہ فرمایا تھا ؟ انھوں نے جواب دیا کہ مال کے چھٹے حصّے کا، آپ نے پوچھا : کن رشتہ داروں کی موجودگی میں ؟ انھوں نے فرمایا کہ مجھے معلوم نہیں، آپ نے فرمایا : تجھے کچھ معلوم نہ ہو ، بھلا پھر اس بات کے معلوم ہونے کا کیا فائدہ ہے۔