(٣٢٦٥٧) حضرت بریدہ (رض) فرماتے ہیں کہ رسول اللہ (صلی اللہ علیہ وآلہ وسلم) نے ارشاد فرمایا : میرا گزر ایک مربع محل پر سے ہوا جس میں بالاخانہ تھے۔ تو میں نے پوچھا : یہ محل کس کا ہے ؟ جواب دیا گیا : اہل عرب میں سے ایک آدمی کا۔ اس پر میں نے کہا : میں بھی عربی ہوں۔ یہ محل کس کا ہے ؟ انھوں نے کہا : محمد (صلی اللہ علیہ وآلہ وسلم) کی امت کے ایک فرد کا۔ میں نے کہا : میں ہی محمد (صلی اللہ علیہ وآلہ وسلم) ہوں۔ یہ محل کس کا ہے ؟ انھوں نے کہا : عمر بن خطاب کا۔