(٣٢٩١٨) حضرت علقمہ (رض) فرماتے ہیں کہ حضرت خالد بن ولید (رض) نے ارشاد فرمایا : کہ میرے اور عمار (رض) کے درمیان کچھ تلخ کلامی ہوگئی۔ پس عمار (رض) گئے اور جا کر رسول اللہ (صلی اللہ علیہ وآلہ وسلم) کو میری شکایت کرنے لگے۔ تو میں بھی رسول اللہ (صلی اللہ علیہ وآلہ وسلم) کی خدمت میں آیا اس حال میں کہ وہ میری شکایت کر رہے تھے۔ گفتگو کے دوران حضرت عمار (رض) کا غصہ بڑھتا ہی چلا جا رہا تھا۔ اور رسول اللہ (صلی اللہ علیہ وآلہ وسلم) خاموش تھے۔ پھر عمار (رض) رونے لگے اور کہا : اے اللہ کے رسول 5! کیا آپ (رض) نہیں سن رہے ؟ اس پر رسول اللہ (صلی اللہ علیہ وآلہ وسلم) نے میری طرف اپنا سر اٹھایا اور ارشاد فرمایا : جو عمار سے دشمنی کرے گا اللہ تعالیٰ اس شخص سے دشمنی کریں گے ، اور جو عمار (رض) سے بغض رکھے گا اللہ تعالیٰ اس شخص سے بغض رکھیں گے۔ حضرت خالد بن ولید (رض) فرماتے ہیں کہ میں گھر سے نکلا تھا اس حال میں کہ حضرت عمار (رض) سے زیادہ کوئی چیز مجھے مبغوض نہیں تھی۔ پھر میں ان سے ملا پس وہ راضی ہوگئے۔