22342 ۔۔۔ عبدالرحمن بن قاری روایت کرتے ہیں کہ میں نے سیدنا حضرت عمر ابن خطاب (رض) کو سنا کہ آپ (رض) منبر رسول اللہ (صلی اللہ علیہ وآلہ وسلم) پر کھڑے ہو کر لوگوں کو تشھد کی تعلیم کر رہے تھے ۔ چنانچہ آپ (رض) فرما رہے تھے کہ جب تم تشھد پڑھنا چاہو تو یوں پڑھا کرو ۔ بسم اللہ خیر الاسماء التحیات للہ الزاکیات الصلوات الطیبات المبارکات للہ اشھد ان لا الہ الا اللہ واشھد ان محمدا عبدہ ورسولہ ‘، السلام علیک ایھا النبی و رحمۃ اللہ وبرکاتہ السلام علینا وعلی عباد اللہ الصالحین السلام علی جبرائیل السلام علی میکائیل السلام علی ملائکۃ اللہ “۔ ے لوگو ! یہ چار کلمات ہیں اے لوگو تشہد سلام سے پہلے ہے اور تم میں سے کوئی آدمی بھی یوں نہ کہا کرے کہ یعنی سلام ہو جبرائیل پر سلام ہو میکائیل پر اور سلام ہو اللہ تبارک وتعالیٰ کے فرشتوں پر چنانچہ جب آدمی کہتا ہے ” السلام علینا وعلی عباد اللہ الصالحین “۔ تو گویا اس نے زمین آسمان میں موجود ہر نیک بندے پر سلام بھیج دیا۔ (رواہ بیہقی)