22897 ۔۔۔ حضرت جابر بن عبداللہ (رض) کی روایت ہے کہ ہم غزوہ بطن بواط میں حضور اکرم (صلی اللہ علیہ وآلہ وسلم) کے ہمراہ محو سفر تھے اسی دوران آپ (صلی اللہ علیہ وآلہ وسلم) نے فرمایا : کون آدمی تیار ہے جو آگے جائے اور ہمارے لیے حوض مٹی سے پاٹ دے، خود بھی پیے اور ہمیں بھی پلائے ؟ جابر (رض) کہتے ہیں : میں نے کھڑے ہو کر عرض کیا یا رسول اللہ (صلی اللہ علیہ وآلہ وسلم) میں تیار ہوں ۔ ارشاد فرمایا : جابر کے ساتھ دوسرا آدمی کون تیار ہے چنانچہ جبار بن صخر (رض) کھڑے ہوئے ، ہم حوض پر آئے اور مٹی سے اس کا منڈیر بنادیا ہمارے پاس سب سے پہلے رسول کریم (صلی اللہ علیہ وآلہ وسلم) رونما ہوئے آپ (صلی اللہ علیہ وآلہ وسلم) حوض پر آئے وضو کیا اور پھر نماز پڑھنے کھڑے ہوگئے اور آپ (صلی اللہ علیہ وآلہ وسلم) نے انھیں اپنی بائیں طرف کھڑا کردیا پھر ہم دونوں آپ (صلی اللہ علیہ وآلہ وسلم) کے پیچھے کھڑے ہوگئے ۔ (رواہ ابونعیم فی الحلیۃ ۔ رواہ عبدالرزاق)