24897 ۔۔۔ پڑوسی کا حق ہے کہ اگر وہ بیمار ہوجائے تم اس کی عیادت کرو، اگر مرجائے تم اس کے ساتھ چلو، اگر وہ تم سے قرض مانگے تم اسے قرض دو اگر وہ محتاج و بدحال ہوجائے تم اس کا ستر کرو، اگر اسے خیر و بھلائی نصیب ہو تم اسے مبارکباد دو ، اسے اگر مصیبت پہنچے تم اس کے دکھ درد کو محسوس کرو تم اس کی عمارت سے اونچی اپنی عمارت مت بناؤ کیونکہ ایسا کرنے سے تازہ ہوا بند ہوجائے گی۔ تم اپنی ہنڈیا کی بو سے اسے تکلیف مت پہنچاؤ الا یہ کہ ہاندی سے اسے بھی کچھ دو ۔ ( رواہ الطبرانی عن معاویۃ بن حیدۃ) ۔ کلام :۔۔۔ حدیث ضعیف ہے۔ دیکھئے ضعیف الجامع 2728