2910: سورة الکہف۔ جس بچے کو خضر (علیہ السلام) نے قتل کیا جس دن اس کو پیدا کیا گیا کافر پیدا کیا گیا۔ اگر وہ زندہ رہتا تو اپنے والدین کو بھی سرکشی اور کفر میں مبتلا کردیتا ۔ مسلم، ترمذی، ابوداود، بروایت ابی (رض) ۔
تشریح : سورة الکہف آیت 84 میں اس واقعہ کا ذکر ہے کہ حضرت موسیٰ (علیہ السلام) اور حضرت خضر (علیہ السلام) دونوں جا رہے تھے راستے میں ایک بچہ ملا جس کو حضرت خضر (علیہ السلام) نے قتل کردیا۔ اس طرح کے دو اچھنبے واقعے اور پیش آئے بعد میں حضرت خضر (علیہ السلام) نے حضرت موسیٰ (علیہ السلام) کو بچہ قتل کرنے کی وجہ بتائی کہ اگر وہ مزید زندہ رہتا تو اپنے والدین کو بھی کفر میں مبتلا کردیتا۔