31850 ۔۔۔ ارشاد فرمایا کہ میں حطیم میں تھا کہ قریش مجھ سے معراج کی رات کی سفر کے بارے میں سوالات کررہے تھے مجھ سے بیت المقدس کی مختلف چیزوں کے متعلق پوچھا جن کو میں نے دھیان کے ساتھ یاد نہیں رکھا تھا میں سخت کرب وبے چینی میں تھا اس جیسا پریشان پہلے کبھی نہ ہوا تھا اللہ تعالیٰ نے بیت المقدس کا حجاب اٹھالیا تاکہ میں اس کو دیکھوں اب وہ جو بھی سوال کرتے تھے میں ان کو دیکھ کر بتا دیتا میں نے خود کو انبیاء (علیہم السلام) کی ایک جماعت کے ساتھ دیکھا اس میں موسیٰ (علیہ السلام) کھڑے ہو کر نماز پڑھ رہے تھے وہ گھنگر یا لے بالوں والے ہلکے جسم کے تھے گویا کہ قبیلہ شنوہ کا ایک شخص ہے اور عیسیٰ بن مریم کو بھی نماز پڑھتے ہوئے دیکھا ان کے سب سے زیادہ مشابہ تمہارے صاحب ہیں۔ (یعنی خود آپ (صلی اللہ علیہ وآلہ وسلم) کی ذات اقدس ) نماز کا وقت قریب ہوا میں نے ان کی امامت کروائی جب میں نماز سے فارغ ہوا ایک کہنے والے نے کہا اے محمد (صلی اللہ علیہ وآلہ وسلم) یہ جہنم کا دراوغہ ہے اس کو سلام کریں میں ان کی طرف متوجہ ہوا تو انھوں نے خود سلام کرنے میں پہل کی ۔ (مسلم بروایت ابی ہریرة (رض))