31853 ۔۔۔ ارشاد فرمایا کہ مجھے ایک جانور پر سوار کرایا جو گدھے اور خچر کے درمیان کا تھا اس کے ران میں دوپر ہیں جن سے پاؤں کو سمیٹتے ہیں جب سوار ہونے کے لیے اس کے قریب ہوا تو اس نے دم ہلائی توجبرائیل نے پنا ہاتھ اس کے کندھے پر رکھا پھر کہا اے براق تمہیں اپنے اس فعل پر شرم نہیں آرہی ؟ اللہ کی قسم اس سے قبل تجھ پر محمد (صلی اللہ علیہ وآلہ وسلم) سے زیادہ مکرم ومعظم شخص نے سواری نہیں کی وہ شرم کے مارے پسینہ گرانے لگاپھرٹہر گیا یہاں تک میں اس پر سوار ہوگیا میں نے اس کے دونوں کان پکڑ لیے اور زمین لپیٹ دی گئی اور منتہائے نظرپر اس کا قدم ہوتا تھا وہ لمبی پیٹھا اور لمبے کان والا تھا ۔ میرے ساتھ جبرائیل (علیہ السلام) بھی نکلے ایک دوسرے سے جدانہ ہوئے یہاں تک بیت المقدس پہنچ گئے براق وہاں جاکر روکا جہاں انبیاء (علیہم السلام) کے جانور روکتے میں نے اس کو اس حلقہ کے ساتھ باندھا میں نے انبیاء کو دیکھا کہ میری خاطر جمع ہوئے ہیں میں نے ابراہیم (علیہ السلام) موسیٰ (علیہ السلام) کو دیکھا ، مجھے خیال ہوا کہ ان کے لیے امام کی ضرورت ہے مجھے جبرائیل نے آگے کیا میں نے ان کو نماز پڑھائی ہیں نے ان سے دریافت کیا تو انھوں نے بتایا کہ ہماری بعثت توحید باری کے لیے ہوئی۔ (ابن سعدبروایت عمرو بن شعیب وہ اپنے والد سے وہ اپنے دادا اس اور بروایت ام سلمہ (رض) د عائشہ (رض) دام ہانی (رض) وابن عباس (رض) ان میں بعض کی روایت کا بعض میں تداخل ہوگیا)