31862 ۔۔۔ فرمایا معراج کی رات جب ساتویں آسمان پر پہنچا تو میں نے دیکھا کہ میں رعد برق اور صاعقہ کے اوپر ہوں میرا گذر ایک ایسی قوم پر ہوا جس کے پیٹ گھروں کے طرح تھے اس میں سانپ دوڑ رہے جو باہر ہی سے نظر آرہے تھے میں نے پوچھا یہ کون لوگ ہیں تو بتایا کہ یہ سود خور ہیں جب میں آسمان دنیا پر اتراتو میں نے اپنے نیچے کی جانب دیکھاتو غبار دھواں اور آوازوں میں ہوں نے جبرائیل (علیہ السلام) سے پوچھا یہ کیا ماجرا ہے ؟ تو بتایا کہ یہ شیاطین ہیں گرم غبار نبی آدم کی آنکھوں میں جھونکتے ہیں تاکہ آسمان و زمین کی ملکوں میں غور وفکر نہ کریں اگر یہ نہ ہوتا تو وہ عجائبات کا مشاہدہ کرتے ۔ (احمد بروایت ابوہریرہ (رض))