٣٨١٣٣۔۔۔ ابوحسان سے روایت ہے کہ حضرت علی (رض) کسی (اہم) کام کا حکم دیتے تو لوگ جواباًکہہ دیتے : ہم نے یوں کرلیا ہے، آپ فرماتے : اللہ تعالیٰ اور اس کے رسول نے سچ فرمایا : کسی نے آپ سے پوچھا : کیا رسول اللہ (صلی اللہ علیہ وآلہ وسلم) نے آپ کو کسی چیز کی وصیت کی ہے ؟ آپ نے فرمایا مجھے رسول اللہ (صلی اللہ علیہ وآلہ وسلم) نے لوگوں کے علاوہ کوئی خاص وصیت نہیں کی صرف آپ کی چند باتیں ہیں جو میں نے آپ سے سن(کر لکھی) رکھی ہیں اور وہ میری تلوار کے نیام میں ایک تحریر کی صورت میں محفوظ ہیں فرماتے ہیں ہم آپ سے اصرار کرتے رہے یہاں تک کہ آپ نے وہ تحریر نکالی اس میں لکھا تھا آپ (صلی اللہ علیہ وآلہ وسلم) نے فرمایا : جس نے کوئی بدعت ایجاد کی یا کسی بدعتی کو جگہ دی تو اس پر اللہ تعالیٰ فرشتوں اور تمام انسانوں کی لعنت ہو، نہ اس کی نفل عبادت قبول ہے اور نہ فرض، اور اس میں لکھا تھا : ابراہیم (علیہ السلام) نے مکہ کو حرم قرار دیا ہے اور میں مدینہ کو اس کے دونوں حروں اور اس کی چراگاہ کے درمیانی علاقوں کو حرم قرار دیتا ہوں نہ اس کی شاخ توڑی جائے، نہ اس کا شکار بھگایا جائے، اور نہ گری پڑی چیز اٹھائی جائے ہاں جو اعلان کرنا چاہے، اور سوائے اونٹ کے چارے لئے، اس کا درخت کاٹا جائے۔ اور نہ جنگ کے لیے اس میں اسلحہ کے ساتھ چلا جائے۔ اور اس میں تھا : مسلمانوں کے خون ایک دوسرے کے بدلے ہیں، ان کے ذمہ کی ان کا ادنی شخص کوشش کرے، اور وہ اپنے علاوہ دوسرے لوگوں کے لیے ایک ہاتھ کی مانند ہیں، خبردار ! کسی کافر کے بدلہ میں کوئی مسلمان نہ قتل کیا جائے اور نہ کسی ذمی کو اس کے عہد ذمیت میں مارا جائے (ابن جریربیھقی فی الدلائل