٣٨١٣٦۔۔۔ (اس طرح) ایک دیہاتی نبی (صلی اللہ علیہ وآلہ وسلم) کے پاس آیا آپ نے اس سے اسلام پر بیعت لی، اگلے دن وہ بخار میں مبتلا ہو کر آیا، کہنے لگا : یا رسول اللہ ! میری بیعت واپس لے لیں، آپ (صلی اللہ علیہ وآلہ وسلم) نے انکار کردیا، پھر وہ مسلسل آپ کے پاس تین دن آتا رہا اور ہر بار یہی کہتا رہا : یارسول اللہ ! میری بیعت واپس لیجئے، آپ (صلی اللہ علیہ وآلہ وسلم) نے انکار کردیا، آپ نے فرمایا : مدینہ بھٹی کی طرح ہے جو خراب کو ختم کرتی اور عمدہ کو خالص کردیتی ہے۔ (رواہ عبدالرزاق)