٣٨٢٩٨۔۔۔ حضرت علی (رض) سے روایت ہے فرمایا : ایک شخص نے رسول اللہ (صلی اللہ علیہ وآلہ وسلم) سے پوچھا میں آپ کے پاس بیٹھا تھا وہ کہنے لگا : یارسول اللہ ! رمضان کے بعد آپ (صلی اللہ علیہ وآلہ وسلم) مجھے کسی مہینہ کے روزے رکھنے کا حکم دیتے ہیں ؟ آپ (صلی اللہ علیہ وآلہ وسلم) نے فرمایا : اگر تم نے رمضان کے بعد کسی مہینہ کا روزہ رکھنا ہے تو محرم کا روزہ رکھو، کیونکہ وہ اللہ تعالیٰ کا مہینہ ہے اس میں ایک دن اللہ تعالیٰ نے ایک قوم کی توبہ قبول کی اور اسی میں دوسروں کی توبہ قبول کرتا ہے۔ (الدارمی، ترمذی وقال : حسن غریب، عبداللہ بن احمد بن حنبل فی الزوائد، ابویعلی، بیھقی)