٣٨٣١٠۔۔۔ (مسند عبدالمطلب بن ربیعۃ) ابواسحاق، عبدۃ بن حزن نصری سے روایت کرتے ہیں، فرماتی ہیں : رسول اللہ (صلی اللہ علیہ وآلہ وسلم) کے پاس اونٹوں اور بکریوں والے آپس میں فخر کرنے لگے : اونٹوں والوں نے کہا : اے بکریوں کے چرواہو ! کیا تم لوگ کوئی چیز پسند کرتے ہو یا کسی چیز کا شکار کرتے ہو ؟ یہ چند بکریاں ہیں انھیں تمہارا کوئی شخص چراتا ہے پھر انھیں ختم کردیتا ہے یوں اونٹوں والوں نے انھیں خاموش کردیا۔
نبی (صلی اللہ علیہ وآلہ وسلم) نے فرمایا : داؤد (علیہ السلام) مبعوث ہوئے انھوں نے بکریاں چرائیں، موسیٰ (علیہ السلام) کی بعثت ہوئی انھوں نے بکریاں چرائیں، میں مبعوث ہوا میں نے بھی اپنے گھر والوں کی مقام اجیاد پر بکریاں چرائیں، یوں بکریوں والے ان پر غالب رہے۔ (ابن عساکر وقال رواہ بندار عن ابی داؤد عن شعبہ عن ابی اسحاق فقال : نصر بن حزن، قال شعبہ : قلت لابی اسحاق ! انصر ادرک النبی (صلی اللہ علیہ وآلہ وسلم) قال نعم) ۔