4013: (ابن مسعود (رض)) ابن مسعود (رض) فرماتے ہیں ایک مرتبہ حضور (صلی اللہ علیہ وآلہ وسلم) ہمارے پاس تشریف لائے اور ہمارے ساتھ حضرت سعد بن عبادہ (رض) کی مجلس میں بیٹھ گئے۔ بشیر بن سعد جو کہ ابو النعمان بن بشیر ہیں انھوں نے آپ (صلی اللہ علیہ وآلہ وسلم) سے عرض کیا : یا رسول اللہ ! اللہ نے ہم کو آپ پر درود پڑھنے کا حکم دیا ہے۔ پس ہم کیسے آپ پر درود پڑھیں یا رسول اللہ !
آپ (صلی اللہ علیہ وآلہ وسلم) یہ سن کر خاموش ہوگئے ہم نے دل میں کہا : کاش انھوں نے سوال نہ کیا ہوتا۔ لیکن پھر آپ (صلی اللہ علیہ وآلہ وسلم) نے فرمایا : تم یوں پڑھو :
اللہم صل علی محمد وعلی آل محمد کما صلیت علی ابراہیم وبارک علی محمد وعلی آل محمد کما بارکت علی ابراہیم فی العالمین انک حمید مجید۔
اور سلامت تم جانتے ہو (یعنی حضوری میں سلام یا رسول اللہ اور ۔۔۔ السلام علی رسول اللہ) (موطا امام مالک، مصنف ابن ابی شیبہ، مصنف عبدالرزاق، عبد بن حمید، مسلم، ابو داود، ترمذی، نسائی)