4498: ۔۔ حضرت مصعب (رح) بن سعد (رض) بن ابی وقاص سے مروی ہے کہ ایک شخص نے (میرے والد صحابی رسول ) حضرت سعد رضی عنہ کو کہا : میں سمجھتا ہوں کہ تم کفر کے سرغنہ لوگوں میں سے ہو ! حضرت سعد (رض) نے اس کو فرمایا تو جھوٹ بولتا ہے، وہ تو ابوجہل اور اس کے ساتھی ہیں۔ اس شخص نے پوچھا اچھا وہ لوگ وہی ہیں جن کے بارے میں فرمان خداوندی ہے۔
الذین ضل سعیہم فی الحیاۃ الدنیا وھم یحسبون انہم یحسنون صنعا۔ الکھف : 104
وہ لوگ جن کی سعی دنیا میں بےکار ہوگئی اور وہ سمجھتے رہے کہ وہ اچھا کر رہے ہیں۔
حضرت سعد (رض) نے فرمایا : نہیں بلکہ ان (یعنی ابوجہل اور اس کے اصحاب) کے بارے میں تو یہ فرمان الہی ہے :
اولئک الذین کفرو بآیات ربہم ولقاہ فحبطت اعمالہم فلا نقیم لہم یوم القیامۃ وزنا ۔ الکہف :105
یہ وہ لوگ ہیں جنہوں نے اپنے پروردگار کی آیتوں اور اس کے سامنے جانے سے انکار کیا تو ان کے اعمال ضائع ہوگئے اور ہم قیامت کے دن ان کے لیے کچھ بھی وزن قائم نہیں کریں گے۔ رواہ ابن عساکر۔