٨٥٩٦۔۔۔ حضرت ابوہریرہ (رض) سے روایت ہے فرماتے ہیں : میں نبی (صلی اللہ علیہ وآلہ وسلم) کے ہمراہ کی کسی گلی میں چل رہا تھا، آپ نے فرمایا : ابوہریرہ ! زیادہ مال والے ہلاک ہوئے اور ایک روایت میں ہے زیادہ مال والے ہی کم حصہ والے ہیں، ہاں جس نے ایسا ، ایسا کہا، اور آپ نے اپنے دائیں اور بائیں طرف اشارہ کیا، اور وہ بہت تھوڑے ہیں۔
پھر فرمایا : ابوہریرہ ! کیا تمہیں جنت کا خزانہ نہ بتاؤں ؟ میں نے عرض کیا : کیوں نہیں یارسول اللہ ! آپ نے فرمایا : تم کہا کرو : لاحول ولا قوۃ الا باللہ ولا ملجاولا منجامن اللہ الاالیہ، نیکی کرنے اور گناہ سے بچنے کی طاقت اللہ تعالیٰ ہی کی طرف سے ہے، اور اللہ تعالیٰ کے علاوہ نہ کوئی پناہ گاہ ہے اور نہ نجات کی جگہ ، پھر فرمایا : ابوہریرہ ! جانتے ہو اللہ تعالیٰ کا لوگوں پر کیا حق ہے اور لوگوں کا اللہ تعالیٰ پر کیا حق ہے ؟ میں نے عرض کیا اللہ تعالیٰ اور اس کے رسول ہی بہتر جانتے ہیں، آپ نے فرمایا : اللہ تعالیٰ کا لوگوں پر حق ہے کہ وہ اسی کی عبادت کریں اور اس کے ساتھ کسی کو شریک نہ کریں، جب وہ ایسا کریں گے تو اللہ تعالیٰ کا حق یہ ہے کہ انھیں عذاب نہ دے۔ (مسند احمد، حاکم)