٩١٦٢۔۔۔ زیاد بن ابی ھند الداری اپنے والد سے روایت کرتے ہیں : کہ مکہ میں ہم رسول اللہ (صلی اللہ علیہ وآلہ وسلم) کی خدمت میں حاضر ہوئے، ہم چھ آدمی تھے، تمیم بن اوس، اور ان کے بھائی نعیم، یزید بن قیس، ابوھندبن عبداللہ اور ان کے بھائی طیب بن عبداللہ ، جن کا نام رسول اللہ (صلی اللہ علیہ وآلہ وسلم) نے عبدالرحمن رکھ دیا، فاکہ بن نعمان ، ہم سب لوگ مسلمان ہوگئے ہم نے آپ سے شام کی زمین میں سے کچھ زمین کا مطالبہ کیا۔
چنانچہ آپ نے ہمیں زمین عطا کردی اور چمڑے پر ایک تحریر بھی لکھ دی جس پر حضرت عباس ، جہم بن قیس اور شرجیل بن حسنۃ کی گواہی تھی، ابوھندہ کہتے ہیں : جب رسول اللہ (صلی اللہ علیہ وآلہ وسلم) نے مدینہ منورہ کی طرف ہجرت کی تو ہم آپ کے پاس آئے اور آپ سے مطالبہ کیا کہ آپ ہمارے لیے وہ تحریر تازہ کردیں چنانچہ آپ نے تحریر لکھوائی جس کا نسخہ یہ ہے :
(بسم اللہ الرحمن الرحیم) یہ اس بات کی تحریر ہے جو محمد (صلی اللہ علیہ وآلہ وسلم) نے تمیم داری اور اس کے دوستوں کو عطا کیا ہے پھر اس (سابقہ) تحریر کا ذکر کیا اور حضرت ابوبکر بن ابی قحافہ، عمر بن خطاب ، عثمان بن عفان ، علی بن ابی طالب اور معاویہ بن ابی سفیان گواہ بنے اور انھوں نے لکھا۔ (ابونعیم فی المعرفۃ)