حضرت عوف بن مالک سے روایت ہے کہتے ہیں ، کہ رسول اللہ ﷺ نے فرمایا : میرے پاس میرے رب کی طرف سے ایک آنے والا پیغام لے کر آیا ، اس میں میرے رب نے مجھے اختیار دیا کہ میں ان دو باتوں میں سے کوئی ایک بات اختیار کر لوں ، یا یہ کہ اللہ تعالیٰ میری نصف امت کو جنت میں داخل فرما دیں ، یا یہ کہ مجھے شفاعت کا موقع ملے ، تو میں نے حقِ شفاعت کو اختیار کر لیا اور میری شفاعت ان لوگوں کے لیے ہو گی ، جو (ایمان اور توحید کی میری دعوت کو قبول کر کے) اس حال میں مرے ، کہ اللہ کے ساتھ کسی کو شریک نہیں کرتے تھے ۔