حضرت جابر کہتے ہیں کہ رسول کریم ﷺ نے فرمایا شہری آدمی دیہاتی کا مال فروخت نہ کرے لوگوں کو ان کے حال پر چھوڑ دو کہ اللہ تعالیٰ کسی کے ذریعہ کسی کو رزق پہنچاتا ہے (مسلم)

تشریح
حدیث کے آخری جملے کا مطلب یہ ہے کہ دیہاتیوں کو ان کے حال پر چھوڑ دو کہ وہ باہر سے غلہ لا شہر میں سستے داموں فروخت کریں اور اسطرح وہ اہل شہر کے رزق میں وسعت وفراخی کا باعث بنیں بقیہ حدیث کی وضاحت حضرت ابوہریرہ (رض) کی روایت کی تشریح میں کی جا چکی ہے۔