اور حضرت جابر (رض) کہتے ہیں کہ رسول کریم ﷺ نے فرمایا جب آدمی اپنے گھر ( یعنی اپنی خواب گاہ) میں داخل ہوتا ہے اور داخل ہوتے وقت اللہ کا نام لیتا ہے ( یعنی بسم اللہ کہہ کر خواب گاہ میں داخل ہوتا ہے) اور پھر کھانا کھاتے وقت ہی اللہ کا نام لیتا ہے تو شیطان ( اپنے تابعداروں سے کہتا ہے کہ اس گھر میں تمہارے لئے نہ کوئی جگہ ہے نہ کھانا ہے۔ اور جب آدمی گھر و خواب گاہ میں داخل ہوتے وقت اللہ کا نام نہیں لیتا تو شیطان اپنے تابعداروں سے) کہتا ہے کہ ( اس گھر میں) تمہیں جگہ مل گئی اور جب آدمی کھانا کھاتے وقت اللہ کا نام نہیں لیتا، تو شیطان ( اپنے تابعداروں سے) کہتا ہے کہ ( اس گھر میں تمہیں جگہ بھی مل گئی اور کھانا بھی مل گیا۔ ( مسلم )