حجاج بن عمرو بن غزیہ بیان کرتے ہیں کہ میں زید بن ثابت کے پاس بیٹھا تھا کہ ان کے پاس ایک یمنی آدمی آیا۔ جس کا نام ابن قہد تھا۔ اور اس نے کہا اے ابو سعید میری چند لونڈیاں ہیں۔ وہ میری بیوی سے زیادہ حسین ہیں۔ لیکن میں یہ نہیں چاہتا کہ وہ مجھ سے حاملہ ہوں۔ کیا میں عزل کرسکتا ہوں۔ حجاج کہتے ہیں کہ مجھے مخاطب ہو کر زید بن ثابت فرمانے لگے۔ اے حجاج اس کو مسئلہ بتلاؤ۔ میں نے کہ اللہ تعالیٰ آپ پر رحم فرمائے ہم تو آپ کی خدمت میں آپ سے سیکھنے بیٹھتے ہیں پھر زید بن ثابت نے کہا وہ تمہاری کھیتی ہے چاہو اسے خشک رکھو اور خواہ اس کو سیراب کرو۔ اس نے کہا یہ بات تو میں زید سے بھی سنا کرتا تھا۔ تو زید فرمانے لگے یہ حق اور درست ہے۔ ( ان آثار کو امام مالک (رح) نے بالعزل میں ذکر کیا ہے) ۔
قول محمد (رح) یہ ہے : ہم اسی کو اختیار کرتے ہیں لونڈی سے عزل میں کوئی مضائقہ نہیں۔ لیکن آزاد عورت سے اس کی اجازت کے بغیر عزل نہ کرنا چاہیے۔ لوندی اگر کسی کے نکاح میں تو اس کو مولی اجازت کے بغیر اس سے عزل کرنا مناسب نہیں یہی امام ابوحنیفہ (رح) کا قول ہے۔