خارجہ بن زید کہتے ہیں کہ میں زید بن ثابت کے پاس بیٹھا تھا۔ اس وقت ابی عتیق کا ایک بیٹا يیا اس کی آنکھوں سے آنسو روان تھے ۔ حضرت زید (رض) نے فرمایا تمہیں کیا ہوا ؟ اس نے کہا میں نے اپنی بیوی کو طلاق کا حق دے دیا تھا۔ تو اس نے مجھ سے جدائی اختا ر کرلی ہے۔ حضرت زید بن ثابت (رض) نے فرمایا تمہیں اس بات پر کس چیز نے آمادہ کیا ۔ اس نے جواب دیا تقدیر نے آپ نے فرمایا۔ اگر پسند کرتے ہو تو اس سے رجوعو کرلو۔ کیونکہ یہ ایک طلاق ہے اور تمہیں اس کا رجوع کا حق حاصل ہے اور تم دوسروں کی نسبت اس (عورت) کے زیادہ حقدار ہو۔ (اس روایت کو امام مالک نے باب ما یجب فیہ تطلیقہ واخذہ من التملیک میں ذکر کیا ہے)
قول محمد (رح) یہ ہے : کہ ہمارے ہاں یہ شوہر کی نیت پر موقوف ہے۔ اگر وہ ایک طلاق کی نیت کرے تو یہ طلاق بائنہ ہوگی اور اس کی حیثیت ایک پیغام رساں کی سی ہوگی۔ اگر اس نے تین کی نیت کی تو تین طلاقیں واقع ہوجائیں گی۔ اور امام ابوحنیفہ (رح) اور ہمارے عام فقہاء کا یہی قول ہے۔ حضرت عثمان اور علی مرتضی (رض) نے فرمایا۔ فیصلہ وہ ہے جو وہ عورت کرے۔