قاسم بن محمد (رح) بیان کرتے ہیں کہ ایک شخص کے نکاح میں ایک لونڈی تہی اس نے لونڈی کے مالک کو کہا۔ تم جانو اور تمہارا کام جانے۔ لوگوں نے اس کو طلاق سمجھا۔ (اس اثرکو امام مالک (رح) نے باب ما جاء فی الخلیۃ والبریہ میں ذکر کیا ہے) ۔
قول محمد (رح) یہ ہے کہ خلیہ اور بریہ کے الفاظ سے تین طلاق طلاق کا ارادہ کرلیا جائے تو تین طلاق واقع ہوجائیں گی۔ جب دو کا ارادہ کرے یا کچھ بھی اردہ نہ کرے تو یہ ایک طلاق بائنہ ہوگی۔ خواہ اپنی بیوی سے جماع کیا ہو یا نہ کیا ہو۔ یہی امام ابوحنیفہ (رح) اور ہمارے عام فقہاء کا قول ہے۔