محمد بن یحییٰ بیان کرتے ہیں کہ میرے دادا کی دو بیویاں تھیں۔ ایک ہاشمی دوسری انصاری، میرے دادا نے انصاریہ کو طلاق دے دی۔ جب تک وہ دودھ پلاتی رہتی تھیں ان کو حیض نہ آتا تھا۔ جب ان کو طلاق دی گئی اس وقت وہ دودھ پلا رہی تھی۔ بچے کو دودھ پلاتے ہوئے پورا سال گزر کیا۔ ( ان کو ایک بھی حیض نہ آیا) اسی دورارن ( میرے دادا) ان کے خاوند ابن حبان (رض) کا انتقال ہوگیا۔ اس بر ایک سال کے قریب عدت گزری اور انھیں حیض نہ آیا۔ ( کیونکہ بچہ ابہی دودھ پی رہا تھا) انھوں نے ترکہ کا دعوی کردیا۔ کیونکہ مجھے حیض نہیں آیا ہے۔ (میں ان کی عدت میں تھی کہ ان کا انقال ہوا ہے) چنانچہ وہ حضرت عثمان (رض) کی خدمت میں استغاثہ کے لیے گئیں۔ انھوں نے اس عورت کے حق میں میراث کا فیصلہ کردیا۔ ہاشمیہ زوجہ نے حضرت عثمان (رض) کو ملامت کی۔ تو حضرت عثمان (رض) نے فرمایا یہ تمہارے عم زاد کا عمل ہے۔ عم زاد سے ان کی مراد علی بن ابی طالب (رض) تھے۔