١٤٤ : ابو حمزہ کہتے ہیں کہ میں نے ابن عباس (رض) کو دیکھا کہ انھوں نے وضو کیا اور اپنے دونوں کانوں کے ظاہروباطن کا مسح کیا۔
ایک اشارہ :
یہ ابن عباس (رض) ہیں جن کی روایت شروع باب میں قول اول کی دلیل کے طور پر گزری کہ انھوں نے حضرت علی (رض) کی وساطت سے جناب نبی اکرم (صلی اللہ علیہ وآلہ وسلم) سے کانوں کے اندرونی حصہ کا دھونا اور بیرونی حصہ کا مسح نقل کیا ہم دوسرے قول کی تائید میں چودہ روایات نقل کر آئے جن میں ابن عباس (رض) کی روایت نبی اکرم (صلی اللہ علیہ وآلہ وسلم) سے نقل کر آئے کہ آپ نے کانوں کے ظاہروباطن کا مسح کیا اور یہ روایت آپ کے سامنے ہے جو ابن عباس (رض) کے عمل کو بتلا رہی ہے جب راوی کا اپنا عمل روایت کے خلاف ہو تو وہ صاف نسخ کی دلیل ہوا کرتا ہے۔ فتدبر۔