٣٠٢٤: سعید بن المسیب (رح) کہتے ہیں کہ عمر (رض) نے سہل بن حثمہ (رض) کو حکم دیا وہ لوگوں کے پھلوں کا اندازہ لگائے اور فرمایا جب لوگوں کو کھجوروں میں پاؤ تو جو وہ کھا لیں اس کو خرص میں شمار نہ کرو۔ یہ ہماری بات کی دلیل ہے اور حضرت ابو حمید ساعدی نے بھی جناب رسول اللہ (صلی اللہ علیہ وآلہ وسلم) سے اسی طرح کی بات نقل کی ہے۔
یہ روایت بھی کھلی دلیل ہے کہ وہاں اندازہ کٹنے سے قبل مراد ہے جبکہ پھل کھانے کے قابل ہوجائے اسی لیے کھانے پینے کو مستثنیٰ کردیا اور حضرت ابو حمید ساعدی (رض) کی روایت بھی آپ (صلی اللہ علیہ وآلہ وسلم) کے خرص کے سلسلہ میں اس کی مؤید ہے۔