٣٠٧: سعید بن المسیب کہتے ہیں کہ اصحاب رسول اللہ (صلی اللہ علیہ وآلہ وسلم) نے اذا التقی الختانان کا ذکر کیا کہ آیا اس سے غسل لازم ہوتا ہے یا نہیں ؟ حضرت ابو موسیٰ اشعری (رض) کہنے لگے میں اس کے متعلق صحیح بات پیش کروں گا وہ اٹھ کر چلے میں ان کے پیچھے گیا وہ چلتے چلتے حضرت عائشہ (رض) کی خدمت میں پہنچے اور کہنے لگے اے ام المؤمنین ! میں ایک مسئلہ آپ سے پوچھنا چاہتا ہوں اور مجھے سوال کرتے ہوئے حیاء آتی ہے انھوں نے فرمایا پوچھو۔ میں تمہاری ماں ہوں تو ابو موسیٰ کہنے لگے اذا التقی الختانان سے کیا غسل واجب ہوتا ہے ؟ تو فرمانے لگیں جناب رسول اللہ (صلی اللہ علیہ وآلہ وسلم) جب جماع کرتے تو غسل فرماتے۔
تخریج : بخاری فی الغسل والطھارۃ مسلم فی الحیض روایت ٨٨‘ یتصرف یسیر من اللفظ ‘