٣٠٨٤: عبداللہ بن عبداللہ بن جبیر کہتے ہیں میں نے انس بن مالک (رض) کو کہتے سنا کہ جناب رسول اللہ (صلی اللہ علیہ وآلہ وسلم) ایک مکوک سے وضو اور پانچ مکا کی سے غسل فرماتے تھے۔ کوئی معترض یہ کہے کہ یہ روایت پہلی حدیث کے خلاف ہے اس کے جواب میں یہ کہیں گے ۔ ہمارے ہاں تو اس روایت میں کوئی بات اس کے خلاف نہیں کیونکہ حضرت شریک (رض) کی روایت میں ہے کہ جناب رسول اللہ (صلی اللہ علیہ وآلہ وسلم) ایک مدپانی سے وضو فرماتے اور حضرت عتبہ بن حکیم عبداللہ بن جبیر (رض) سے اس کی مثل روایت کرتے ہیں۔ جب شعبہ نے عبداللہ بن جبیر (رض) سے مذکورہ روایت نقل کی تو اب اس میں اس بات کا احتمال ہے کہ مکوک سے مراد مد ہو۔ کیونکہ وہ مد کو مکوک کہتے تھے پس آپ کے وضو کی مقدار ایک مد تھی اور غسل والا پانی پانچ مکوک ہوتا تھا ۔ ان میں سے چار سے غسل فرماتے اور وہ چار مد ہیں اور یہی صاع ہیں اور باقی سے وضو فرماتے اور وہ ایک مد ہوتا ۔ پس اس طرح اس روایت میں جنابت کے لیے وضو اور غسل کو اکٹھا ذکر کیا گیا اور حدیث عتبہ (رض) میں فقط غسل جنابت کا ذکر کیا وضو نہیں اور اسی غسل جنابت میں وضو بھی ہوجاتا تھا ۔ میں نے ابن ابی عمران (رح) کو کہتے سنا کہ میں نے ابن ثلجی (رح) کو کہتے سنا کہ صاع کے وزن کا اندازہ لگایا گیا تو اس کا وزن و ماپ ماش ‘ کشمش ‘ مسور کے برابر ہے اسی وجہ سے کہا جاتا ہے کہ اس کا وزن اور ماپ برابر ہے۔
تخریج : مسلم فی الحیض نمبر ٥٠‘ ابو داؤد فی الطہارۃ باب ٤٤‘ ترمذی فی الجنۃ باب ٧٦‘ نسائی فی الطہارۃ باب ٥٨؍١٤٣‘ والمیاہ باب ١٣‘ دارمی فی الوضو باب ٢٣‘ مسند احمد ٣‘ ١١٢؍١١٦‘ ٢٨٢‘ ٢٩٠۔
ازالہ :
اس روایت میں کوئی بات بھی ان روایات کے مخالف نہیں ہے کیونکہ شریک راوی والی روایت میں جناب رسول اللہ (صلی اللہ علیہ وآلہ وسلم) کا مد کے ساتھ وضو فرمانا مذکور ہے اور یہ اس کے موافق ہے اور اس کی موافقت میں عتبہ بن ابی حکیم کی عبداللہ بن جبیر سے اسی طرح کی روایت ہے۔
پس جب شعبہ نے عبداللہ بن جبیر سے گزشتہ روایات کی طرح روایت کردی تو اس روایت میں احتمال پیدا ہوگیا کہ مکوک سے مراد مد ہے کیونکہ وہ لوگ مکوک اور مد کو ایک دوسرے پر بولتے تھے پس جس سے وضو فرماتے تھے جب اس کی مقدار مد ثابت ہوگئی تو پانچ مکا کی سے غسل کرتے ان میں چار سے غسل یہ چار مد ہوتے اور وہی ایک صاع بنا اور بقیہ سے وضو کرتے اور وہ مد ہوا پس اس روایت میں جنابت کے لیے آپ کا وضو فرمانا اور غسل کرنا دونوں مذکور ہوئے۔
اور حدیث عتبہ میں فقط غسل کا تذکرہ ہے وضو کا تذکرہ نہیں اور یہ وضو بھی غسل ہی کی خاطر ہوتا تھا۔
میں نے ابن ابی عمران کو کہتے سنا کہ ابن ثلجی کہا کرتے تھے صاع کا لفظ اس وزن پر بولا گیا جو ماش ‘ زبیب ‘ دال کی پیمائش میں اس کے برابر ہو جیسا کہ امام ابو یوسف (رح) سے منقول ہے۔