٣١٠: عکرمہ کہتے ہیں جناب ابن عباس (رض) نے فرمایا کہ انما الماء من الماء یہ احتلام سے متعلق ہے اگر کسی نے اپنے کو خواب میں جماع کرتے دیکھا اگر اس کو انزال نہ ہو تو اس پر غسل نہیں ہے۔
تخریج : ترمذی فی الطھارۃ باب ٨١‘ مصنف ابن ابی شیبہ کتاب الطھارۃ ١؍٨٩۔
اب ابن عباس (رض) نے جب روایت کا محمل بتلا دیا تو فریق اول کے پاس اس سے دلیل کا موقعہ نہ رہا۔
اب دوسری قسم کی روایات کہ اکسال میں غسل نہیں ان کے متعلق گزارش یہ ہے کہ ان سے قوی تر روایات جناب نبی اکرم (صلی اللہ علیہ وآلہ وسلم) سے مروی ہیں جو ان کے متضاد ہیں۔