٣٢١: سعید بن المسیب کہتے ہیں کہ جناب عمر (رض) اور عثمان بن عفان (رض) اور عائشہ صدیقہ (رض) فرماتے ہیں کہ جب ختان ختان کو چھو لے تو غسل واجب ہوجاتا ہے۔ یہ حضرت عثمان (رض) ہیں جو کہ یہی کہہ رہے ہیں اور جناب رسول اللہ (صلی اللہ علیہ وآلہ وسلم) سے اس کے خلاف بھی مروی ہے۔ پس یہ اسی وقت درست ثابت ہوسکتا ہے جبکہ نسخ ان کے ہاں ثابت ہو۔
تخریج : بخاری فی الغسل باب ٢٨‘ مسلم فی الحیض روایت نمبر ٨٨‘
روایت ٢٩٣‘ کا نسخ ٢٩٥ سے :
یہ حضرت عثمان (رض) ہیں جو جناب نبی اکرم (صلی اللہ علیہ وآلہ وسلم) سے وہ روایت نقل کر رہے ہیں جو امر اول میں گزری اور خود فتویٰ اس کے خلاف دے رہے ہیں جو اس بات کا کافی ثبوت ہے کہ یہ حکم منسوخ ہوگیا ہے۔