٣٢٤٥: ابو سعید مقبری نے اسامہ بن زید (رض) سے روایت کی ہے کہ جناب رسول اللہ (صلی اللہ علیہ وآلہ وسلم) ہر جمعہ سے (سات دنوں میں سے) دو دن کے روزے رکھتے اور ان کو ترک نہ فرماتے تھے۔ میں نے عرض کیا یارسول اللہ (صلی اللہ علیہ وآلہ وسلم) آپ ہر جمعہ کے دنوں میں دو دن کا روزہ ضرور رکھتے ہیں اور ان کو ترک نہیں فرماتے آپ نے فرمایا کون سے دو دن ؟ میں نے کہا سوموار اور جمعرات آپ نے فرمایا یہ دو دن ایسے ہیں جن میں بندوں کے اعمال رب العالمین کی بارگاہ میں پیش ہوتے ہیں پس میں نے پسند کیا کہ میرا عمل بھی ایسی حالت میں پیش ہو کہ میں روزے سے ہوں۔
تخریج : ترمذی فی الصوم باب ٤٤‘ ابن ماجہ فی الصیام باب ٤٢۔