٣٣٩٢: شعبہ نے قتادہ سے پھر اس نے اپنی اسناد سے روایت نقل کی اور یہ اضافہ کیا کہ حضرت ابوہریرہ (رض) نے اپنے فتویٰ کو چھوڑ کر اس روایت کو اختیار کرلیا۔ جب جناب رسول اللہ (صلی اللہ علیہ وآلہ وسلم) سے یہ روایات کثرت کے ساتھ وارد ہیں تو اب کے خلاف دوسری طرف جانا جائز نہیں۔ اول قول کے قائلین نے اپنے قول کی حمایت میں دوسرے قول والوں کے خلاف یہ دلیل پیش کی ہے کہ حضرت عائشہ صدیقہ اور امّ سلمہ (رض) کی روایات میں جناب رسول اللہ (صلی اللہ علیہ وآلہ وسلم) کے ایک عمل کی اطلاع دی گئی ہے۔ دوسری طرف حضرت ابوہریرہ (رض) نے حضرت فضل (رض) سے اس کے خلاف خبر نقل کی ہے۔ تو یہ کہا جاسکتا ہے کہ جناب رسول اللہ (صلی اللہ علیہ وآلہ وسلم) کے لیے وہی عمل ہو ۔ حضرت عائشہ صدیقہ اور امّ سلمہ (رض) کی روایات میں مذکور ہے اور امت کے لیے وہ عمل ہے جو روایت حضرت فضل (رض) میں منقول ہے۔ جب یہ معنیٰ آثار کا لیا جائے تو روایات کا باہمی تضاد نہیں رہتا مگر دوسرے حضرات کی طرف سے ان کے جواب میں یہ کہا جاتا ہے کہ یہی حضرت فضل (رض) جن سے حضرت ابوہریرہ (رض) نے روایت کی ہے۔ انھوں نے آپ کی وفات کے بعد ایسا فتویٰ دیا جو حضرت عائشہ صدیقہ اور امّ سلمہ (رض) کے قول کے بالکل موافق ہے اور خود فضل (رض) نے اس کو اس سے اولیٰ قرار دیا جو انھوں نے خود جناب رسول اللہ (صلی اللہ علیہ وآلہ وسلم) سے نقل کیا تھا۔ پس اس باب میں یہی دلیل ہے۔ اس سلسلہ کی دوسری دلیل یہ ہے۔ کہ اس معاملے میں وہی حکم عام لوگوں کا ہے جو کہ آپ کے لیے ہے۔ جیسا مندرجہ روایت سے ثابت ہوتا ہے۔
حاصل روایات : ان متواتر روایات سے یہ بات ثابت ہوگئی کہ جنابت سے صبح کرنے والے کا روزہ درست ہے ان متواتر روایات کی خلاف ورزی درست نہیں۔
سرسری اشکال :
فریق اوّل نے کہا کہ ان روایات میں حضرت عائشہ و امّ سلمہ (رض) نے فعل رسول اللہ (صلی اللہ علیہ وآلہ وسلم) نقل کیا جبکہ وہ آپ کے ساتھ مخصوص ہے ۔
اور اس کے بالمقابل روایت ابوہریرہ (رض) عن فضل (رض) میں قول رسول اللہ (صلی اللہ علیہ وآلہ وسلم) ہے جو امت کے لیے حکم ہے پس یہ تمام روایات تو ہمارے مدعیٰ کے خلاف نہیں اور کوئی دلیل ہے تو پیش کرو۔
u: ابوہریرہ (رض) جو اس کے راوی ہیں انھوں نے خود اپنی بات سے امہات المؤمنین (رض) کے قول کی طرف رجوع کرلیا ان کا یہ رجوع فضل (رض) کی روایت سے اولیٰ ہے پس ہماری دلیل اپنے مقام پر قائم رہی جبکہ فریق اوّل کی دلیل کی بنیاد ہی ختم ہوگئی ہم جناب رسول اللہ (صلی اللہ علیہ وآلہ وسلم) سے اس حکم کا عام ہونا ثابت کرتے ہیں وہ بھی ملاحظہ کرلیں۔