٣٤٥٨: ہشام بن عروہ نے عروہ سے انھوں نے عائشہ (رض) سے روایت نقل کی ہے وہ فرماتی تھیں کہ یہ ایک اترنے کا ٹھکانا تھا جہاں جناب رسول اللہ (صلی اللہ علیہ وآلہ وسلم) اس لیے اترے کیونکہ (طواف زیارت سے فراغت کے بعد منیٰ کی طرف) نکلنے کے لیے یہ آسان ترین راستہ ہے عروہ اور اسماء بنت ابی بکر (رض) بطن محصب میں نہ ٹھہرتے تھے۔ اور ابو رافع سے روایت ہے کہ مجھے جناب رسول اللہ (صلی اللہ علیہ وآلہ وسلم) نے خیمہ لگانے کا حکم دیا اور کسی مقام کو معین نہیں فرمایا۔ میں نے محصب میں خیمہ لگا دیا تو آپ وہیں فروکش ہوگئے۔
تخریج : بخاری فی الحج باب ١٤٨‘ مسلم فی الحج نمبر ٣٣٩۔