٣٨٣٠: عبیداللہ نے نافع سے انھوں نے ابن عمر (رض) سے روایت کی ہے وہ فرمایا کرتے تھے جب حج قران کرے تو وہ ان دونوں کے لیے ایک طواف کرے اور جب جدا جدا کرے تو ہر ایک کیلئے ایک طواف اور سعی الگ الگ کرے۔ اگر کوئی شخص یہ کہے کہ ایوب بن موسیٰ بن عقبہ نے ابن عمر (رض) سے اور انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت کی ہے جس کا معنیٰ در اور دی والی روایت کی طرف لوٹتا ہے۔ اس سلسلہ میں یہ روایت ہے۔
تخریج : ابن ماجہ فی المناسک باب ٣٩۔
حاصل کلام : یہ ہوا کہ در اور دی نے روایت میں غلطی کی ہے۔ جبکہ حفاظ دوسری طرح روایت کرتے ہیں۔
ایک اشکال :
آپ تو دراوردی کی غلطی بتلا رہے ہیں جبکہ موسیٰ بن عقبہ اور ایوب بن موسیٰ نے بھی نافع عن ابن عمر (رض) عن النبی (صلی اللہ علیہ وآلہ وسلم) اسی کے ہم معنی روایت نقل کی ہے تو در اور دی کی خطاء ثابت نہ ہوئی۔ موسیٰ بن عقبہ اور ایوب بن موسیٰ کی روایت یہ ہے۔