٣٨٦١: بکیر بن عطاء نے عبدالرحمن بن دیلی (رض) سے روایت نقل کی ہے کہ میں نے جناب رسول اللہ (صلی اللہ علیہ وآلہ وسلم) کو عرفات میں وقوف کی حالت میں دیکھا کچھ نجد کے لوگ آگے بڑھے اور انھوں نے حج کے سلسلہ میں سوالات کئے آپ نے فرمایا۔ حج یوم عرفہ ہے جس نے دسویں کی نماز صبح سے پہلے پہلے مزدلفہ کو پا لیا اس نے حج کو پا لیا۔ منیٰ تین دن ایام تشریق ہیں جس نے پہلے دو دنوں میں جلدی کی (یعنی ١١‘ ١٢ کو رمی کرلی اور پھر مکہ لوٹ گیا) تو اس پر کچھ گناہ نہیں جو تیسرے دن بھی ٹھہرا اس پر بھی کچھ گناہ نہیں (البقرہ ٢٠٣) پھر آپ (صلی اللہ علیہ وآلہ وسلم) نے اپنے پیچھے ایک آدمی کو بٹھایا جو لوگوں میں اس کا اعلان کرے۔
تخریج : ابو داؤد فی المناسک باب ٦٨‘ ترمذی فی الحج باب ٥٧‘ ابن ماجہ فی المناسک باب ٥٧۔