٣٩٤٠: عروہ نے جدافہ بنت وہب جو کہ عکاشہ بن وہب کی (ماں شریک) بہن ہیں وہ بیان کرتی ہیں کہ عکاشہ بن وہب صحابی رسول اللہ (صلی اللہ علیہ وآلہ وسلم) اور ان کا دوسرا بھائی عکاشہ بن محصن (ماں شریک بھائی) میرے خیمے میں آئے جبکہ یوم نحر کا سورج ڈوب چکا تھا اور انھوں نے اپنے قمیص نکال رکھے تھے۔ میں نے پوچھا تمہیں کیا ہوا ؟ دونوں نے کہا جناب رسول اللہ (صلی اللہ علیہ وآلہ وسلم) نے فرمایا جو یہاں سے مکہ طواف زیارت (شام سے پہلے) نہ کرسکا وہ اپنے سلے کپڑے اتار دے حالانکہ یہ اپنے قمیصوں کو خوشبو لگا کر پہن چکے تھے۔
طواف زیارت سے پہلے سلا ہوا کپڑا اور خوشبو دونوں کا استعمال درست نہیں اس کو ابن الزبیر (رض) نے اختیار کیا۔
نمبر 1: امام مالک و حسن بصری رحمہم اللہ سلا ہوا کپڑا تو حلق کے بعد جائز مگر خوشبو طواف زیارت سے پہلے جائز نہیں۔
نمبر 2: ائمہ ثلاثہ جمہور فقہاء و محدثین رحمہم اللہ رمی و حلق کے بعد سلا کپڑا اور خوشبو دونوں کو جائز قرار دیتے ہیں البتہ جماع طواف زیارت کے بعد درست ہے۔