٣٩٨٨: عطاء نے جابر (رض) سے روایت کی ہے کہ ایک آدمی نے کہا۔ یارسول اللہ (صلی اللہ علیہ وآلہ وسلم) رمی سے پہلے میں ذبح کر بیٹھا فرمایا رمی کرلو کوئی حرج نہیں۔ دوسرے نے پوچھا یارسول اللہ (صلی اللہ علیہ وآلہ وسلم) ذبح سے پہلے میں نے حلق کروا لیا آپ (صلی اللہ علیہ وآلہ وسلم) نے فرمایا ذبح کرلو کوئی حرج نہیں۔ تیسرے نے پوچھا یارسول اللہ (صلی اللہ علیہ وآلہ وسلم) ذبح سے پہلے میں نے طواف زیارت کرلیا ہے فرمایا ذبح کرو کوئی حرج نہیں۔ یہ روایت بھی ماقبل کی طرح ہے اور اس کے متعلق بھی وہی بات کہی جائے گی۔ حضرت اسامہ بن شریک (رض) نے بھی جناب نبی اکرم (صلی اللہ علیہ وآلہ وسلم) سے اس سلسلہ میں روایت کی ہے۔