٤١٩٢: حجاج بن ارطاۃ نے محمد بن سلیمان بن ابی حثمہ سے انھوں نے اپنے چچا سلیمان بن ابی حثمہ سے روایت نقل کی ہے کہ میں نے حضرت محمد بن مسلمہ (رض) کو دیکھا کہ وہ بصرہ میں اپنی ایک کھلی چھت سے ثبیتہ بنت ضحاک کو خوب غور سے دیکھ رہے ہیں میں نے کہا آپ اصحاب رسول اللہ (صلی اللہ علیہ وآلہ وسلم) میں سے ہوتے ہوئے ایسا کرتے ہیں انھوں نے فرمایا میں نے جناب رسول اللہ (صلی اللہ علیہ وآلہ وسلم) کو فرماتے سنا کہ جب کسی شخص کے دل میں کسی عورت کے نکاح کا خیال ڈال دیا جائے تو اسے دیکھنے میں کوئی حرج نہیں۔
تخریج : ابن ماجہ فی النکاح باب ٩‘ مسند احمد ٣؍٤٩٣‘ ٤؍٢٢٥۔

اس میں علماء کے دو قول ہیں :
نمبر 1: نکاح کرنا چاہتا ہو تو عادۃ اعضا ظاہرہ پر ایک نظر ڈالنا درست ہے جمہور علماء ائمہ اربعہ کا یہی قول ہے۔
نمبر 2: مطلقاً ممنوع ہے نہ نکاح کے لیے نہ غیر کے لیے اس کو علماء حدیث کی ایک جماعت نے اختیار کیا ہے۔
(نخبۃ الافکارج ٧)
لغات : اجارہ۔ وہ چھت جس کے اطراف میں منڈیر نہ ہو۔ نطارد طرداً ۔ خوب غور سے دیکھنا۔