٤٤٢٣: ابو سلمہ بن عبدالرحمن نے فاطمہ بنت قیس سے روایت کی ہے کہ ابو عمرو بن حفص نے فاطمہ کو طلاق دے دی اور وہ خود وہاں موجود نہ تھے۔ پھر انھوں نے اپنے وکیل کے ہاتھ کچھ جو بھیجے تو فاطمہ ناراض ہوئی تو وکیل نے کہا اللہ کی قسم ! تمہارا ہم پر کوئی حق نہیں بنتا۔ فاطمہ جناب رسول اللہ (صلی اللہ علیہ وآلہ وسلم) کی خدمت میں حاضر ہوئی اور آپ سے اس بات کا تذکرہ کیا اس پر آپ (صلی اللہ علیہ وآلہ وسلم) نے فرمایا ابو عمرو کے ذمہ تمہارا خرچہ نہیں ہے۔ تم ام شریک کے مکان پر عدت گزارو۔
تخریج : روایت ٤٤٢١ کی تخریج ملاحظہ ہو۔