٤٥١: اسماعیل بن ابی خالد عن قیس بن ابی حازم کہتے ہیں کہ ایک آدمی نے سعد کو کہا کہ میں نے اپنی شرمگاہ کو چھو لیا جبکہ میں نماز میں تھا تو آپ نے فرمایا وہ تیرے جسم کا حصہ ہے اگر اتنا ہی ناپاک ہے تو اسے کاٹ ڈالو۔
حاصل روایات : ان روایات بالا نے حضرت سعد (رض) کے متعلق یہ بات صاف کردی کہ وہ شرمگاہ کو چھو لینے سے وضو کو لازم قرار نہیں دیتے۔
روایت ابن عباس (رض) کا جواب :
حضرت ابن عباس (رض) سے متعلق بھی معاملہ کچھ اسی طرح ہے اس روایت بالا کے خلاف کئی روایات ان کے فتویٰ کی صورت میں موجود ہیں ملاحظہ ہوں۔