٤٥٢٢: معاذ بن عبداللہ نے اپنے بھائی عبداللہ بن عبداللہ سے روایت کی ہے کہ فاروق اعظم (رض) کے زمانہ میں ایک آدمی تھا وہ کہنے لگا کہ ہمارے پاس عبداللہ بن انیس (رض) قبیلہ جہینہ کی ایک مجلس میں جو آخر رمضان میں تھی آ بیٹھے تو میں نے ان سے کہا اے ابو یحییٰ ! کیا تم نے اس مبارک رات کے متعلق جناب رسول اللہ (صلی اللہ علیہ وآلہ وسلم) سے کچھ سنا ؟ انھوں نے کہا جی ہاں ! ہم جناب رسول اللہ (صلی اللہ علیہ وآلہ وسلم) کے ساتھ اس ماہ کے آخر میں بیٹھے تھے ہم نے عرض کیا یا نبی اللہ ! اس مبارک رات کو ہم کب تلاش کریں ؟ آپ (صلی اللہ علیہ وآلہ وسلم) نے فرمایا اس رات کو تیئیسویں کی رات سے تلاش کرو۔ لوگوں میں سے کسی نے کہا پھر وہ آٹھ میں سے پہلی ہوئی۔ آپ نے فرمایا سات میں سے پہلی ہے تیری مہینے سے کیا مراد ہے کبھی وہ پورا نہیں ہوتا۔