٤٦٩٦: یحییٰ بن سعید کہتے ہیں کہ میں نے ابو صالح سے دریافت کیا کہ کیا تم نے جناب ابوہریرہ (رض) کو مسجد رسول اللہ (صلی اللہ علیہ وآلہ وسلم) کی فضیلت بیان کرتے سنا ہے ؟ اس نے کہا نہیں۔ لیکن مجھے ابراہیم بن عبداللہ قارظ نے بیان کیا کہ میں نے ابوہریرہ (رض) کو جناب رسول اللہ (صلی اللہ علیہ وآلہ وسلم) سے یہ بات اسی طرح بیان کرتے سنا ہے۔ طحاوی (رح) فرماتے ہیں ان روایات میں جناب رسول اللہ (صلی اللہ علیہ وآلہ وسلم) نے مسجد نبوی میں نماز کو مسجد حرام کے دوسرے تمام مقام پر نماز سے ایک ہزار درجہ افضل قرار دیا۔ پس اس میں یہ احتمال پیدا ہوا کہ مسجد نبوی میں پڑھی جانے والی نماز پر مسجد حرام میں پڑھی جانے والی نماز کو فضیلت نہ ہو یا ان دونوں میں سے کسی میں نماز دوسری مسجد میں پڑھی جانے والی نماز سے افضل ہو۔ پس اس سلسلے میں ہم نے غور کیا مندرجہ ذیل روایات میسر آئیں۔
نوٹ : طحاوی (رح) فرماتے ہیں ان روایات میں جناب رسول اللہ (صلی اللہ علیہ وآلہ وسلم) نے مسجد نبوی میں نماز کو مسجد حرام کے علاوہ دوسرے تمام مقام پر نماز سے ایک ہزار درجہ افضل قرار دیا۔
پس اس میں یہ احتمال پیدا ہوا کہ مسجد نبوی میں پڑھی جانے والی نماز پر مسجد حرام میں پڑھی جانے والی نماز کو فضیلت نہ ہو یا ان دونوں میں سے کسی میں نماز دوسری مسجد میں پڑھی جانے والی نماز سے افضل ہو۔
پس اس سلسلے میں ہم نے غور کیا مندرجہ ذیل روایات میسر آئیں۔