٤٧٥٣: عبیداللہ بن عبداللہ کہتے ہیں کہ ابو واقد لیثی اشجعی (رض) نے بتلایا (یہ اصحاب رسول اللہ (صلی اللہ علیہ وآلہ وسلم) سے ہیں) کہ ہم حضرت عمر (رض) کی شام تشریف آوری کے موقعہ پر مقام جابیہ میں تھے کہ ان کی خدمت میں ایک آدمی آیا اور کہنے لگا۔ اے امیرالمؤمنین ! میری بیوی نے میرے غلام سے زنا کیا ہے اور وہ اس بات کی معترف ہے۔ چنانچہ حضرت عمر (رض) نے ایک وفد میں مجھے بھیجا تاکہ اس سلسلہ میں اس سے دریافت کیا جائے۔ پس میں اس کے پاس آیا تو وہ نوجوان کم عمر لڑکی ہے۔ میں نے دعا کی اے اللہ آج تو اس کے منہ کو اس بات کے لیے کھول دے جو تو چاہتا ہے۔ پس میں نے اس سے پوچھا اور اس بات کی اطلاع دی جو اس کے خاوند نے کہی تھی۔ اس نے کہا اس نے سچ کہا۔ پس ہم نے یہ بات عمر (رض) تک پہنچائی۔ تو آپ نے اسے سنگسار کرنے کا حکم فرمایا۔