٤٨٣٥: عمرو بن غالب کہتے ہیں کہ اشتر حضرت عائشہ (رض) کی خدمت میں آیا تو حضرت عائشہ (رض) نے فرمایا تم میرے بھانجے کو قتل کرنا چاہتے ہو اس نے کہا وہ میرے قتل کا خواہاں ہے اور میں اس کے قتل کا۔ تو حضرت عائشہ (رض) نے فرمایا۔ میں نے تو جناب رسول اللہ (صلی اللہ علیہ وآلہ وسلم) کو فرماتے سنا اور اسی طرح میں نے نقل کردیا۔ یہ آثار پہلی روایات جن کو فریق اوّل سے دلیل بنایا اس کے خلاف ہیں کیونکہ تین باتوں کے علاوہ کسی مسلمان کی جان لینے کی اجازت نہیں۔ اب ایک ہی صورت ہے کہ ان آثار کو ان کا ناسخ تسلیم کیا جائے۔ آثار کو دیکھنے سے ایسے شواہد میسر آگئے۔ چنانچہ روایات ملاحظہ ہوں۔
تخریج : مسند احمد ٦؍١٨١۔