٤٨٥١: مخرمہ بن بکیر عن ابیہ عن سلیمان بن یسار نے عمرہ عن عائشہ (رض) روایت کی ہے کہ حضرت عائشہ صدیقہ (رض) فرماتی ہیں کہ میں نے جناب رسول اللہ (صلی اللہ علیہ وآلہ وسلم) کو فرماتے سنا۔ چور کا ہاتھ چوتھائی دینار یا اس سے زیادہ میں کاٹا جائے۔ اس روایت کو آپ کس طرح دلیل بناتے ہیں جبکہ مخرمہ (رح) کے متعلق آپ کا خیال یہ ہے کہ انھوں نے اپنے والد سے کوئی ایک حرف بھی نہیں سنا اور انھوں نے جو روایات نقل کی ہیں وہ مرسل ہیں اور مرسل روایت تو آپ کے ہاں قابل حجت نہیں۔ مخرمہ کے اپنے والد سے نہ سننے کے متعلق یہ روایت ہے۔
تخریج : مسلم فی الحدود ٤؍٥‘ نسائی فی السارق باب ١٠‘ ابن ماجہ فی الحدود باب ٢٢‘ مسند احمد ٦؍٢٤٩‘ ٢٥٢۔